أخيب أمر إنك تتعود : التصريح الأبوي للسفر نموذجا - موضوع جديد في المنتدى الذي تتابعه

منتديات تونيزيـا سات أحمد البوراوي قام بنشر موضوع جديد في القسم الذي أنت تتابعه في منتديات تونيزيـا سات. أخيب أمر إنك تتعود : التصريح الأبوي للسفر نموذجا السلام عليكم يا أهل المنتدى عاد مغير ما نطول الحديث عام 2015 بعد هجمات سوسة الدولة التونسية تقدم وتوخر وتفرض ''عقاب جماعي'' على الشباب بترخيص أبوي للسفر لمن هو أقل من 35 سنة من الأول الترخيص الأبوي هذا بدا حسب ما نتفكر لأربع دول او خمس (تركيا ,ليبيا,المروك,وصربيا) عــاد جوقات المبررين اللي خايفين على ''حملة الفكر الإرهابي'' من أنهم يمشيوا لسوريا (حسب الذكاء متعهم طبعا يقعدوا يقتلونا في تونس خير ,نحن أولى بيهم) ,وفما مبرراتية أخرين قالك أش فيها تي جرد ورقة وإمضاء (فيها فيها الكثير). عاد مبعد التصريح هذا بدا يتوسع وولا يشمل وجهات اخرى حتى بالتأشيرة (صديق طلبوا عليه تصريح وهو ماشي للسعودية) وأستاذة جامعية طلبوا عليها تصريح وهي ماشية لمصر ,غير ذلك ولاو يطلبوا انه الأب مرات يكون موجود في المطار (خاصة للصغار في العمر) نتخيل في أب من تطاوين يتنقل لتونس لرحلة 11 متع الليل مثلا...طبعا نحن تعودنا والمكتبات الصغيرة اللي قدام البلديات ولات تبيع في ترخيص ابوي مرقون جاهز للتعمير ب3000 مليم (بزنس از بزنس) ورغم إنتهاء داعش والأمور التي متخوفين منها قعد ها التصريح اللي صار من عاداتنا وتقاليدنا لذلك أنا توة نحب نطرح تساؤلات: هاالتصريح مفيهش نص منظم لذلك كان واحد يتيم الأبوين شيعمل؟ كاني متعارك مع بابا شنعمل نقعد في تونس لين يولي عمري 35 سنة ؟ علاش تنقصلي من أهليتي يعني عمري 18 ننتخب رئيس وعمري 23 نولي نائب نشرع قانون وعمري 35 منجمش نسافر أما فلخر تعودنا بيها وولات شيء من ''اليومي متعنا '' ومن أوراق السفر العديدة اللي يحملها التونسي وهوني يكمن الخطر التعود أخيب مرض للشعوب الحقيرة الشعب التونسي مثلا تعود على فقدان القهوة ولقى حلول بديلة (المبرراتية شتعمل بيها القهوة ) الشعب التونسي معدش يتشكى كالعادة من سوم البانان كيما كان وقت العشرية الفارطة (كان ينجم يشريه ب3500 أما يتشكى منه توة ولا ب9000 ولا لا عاد يشريه لا عاد يشكى منه) المواطن التونسي قمر اوقات عطار حومته يجيب فيه الحليب وعمل لسين حلو مع 3 /4 عطارة بحيث يضمن 7 باكوات أسبوعيا (المبرراتية شتعملوا بيه الحليب ) الشعب التونسي قمر اوقات جيبان السكر في المغازات وقبلها وقت ازمة السميد قمر وقت السميد وولا لا يمانع انه يقعد يشد الصف ويدردش مع الناس تعود الشعب التونسي على صبان الشهرية نهار 31 كان موش نهار 1 في الشهر الجديد بعد ما كان نهار 26 في الشهر يعتبر تأخير لا يغتفر واصلوا التعود واصلوا الإنبطاح مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات