الولايات المتحدة بشمال افريقيا - موضوع جديد في المنتدى الذي تتابعه

منتديات تونيزيـا سات braveheart95 قام بنشر موضوع جديد في القسم الذي أنت تتابعه في منتديات تونيزيـا سات. الولايات المتحدة بشمال افريقيا زوز حاجات خلاوني نكتب الموضوع آلحاجة الاولى هي مواضيع الفتنة بين المغرب و الجزائر و الثانية موضوع الهجرة الغير شرعية لسكان جنوب الصحراء. باش ناخذ الموضوع من جانب براغماتي و باش نركز فيه ع الجانب الجيوسياسي، الامني و الاقتصادي، الحجج متاع وحدة العرق و الدين و اللغة كلنا نعرفوها و زايد الحديث عليها. نبداو بالتحديات اللي تواجه المنطقة مساحة شاسعة مليانة ثروات (في الصحراء و في البحر) موش عامرة بالناس تصورو عدد سكان مصر وحدها قد مجموع سكان شمال افريقيا الكل، و هذا ما يولد اطماع من جيران الشمال و بالطبيعة من جيران الجنوب زيد عليه موجات الهجرة اللي نبشركم موش باش تاقف طالما الاسباب متاع الهجرة ما تحلتش على شوية مشاكل متاع ارهاب جيران الشمال ما شاء الله عليهم موش مقصرين معانا جملة متكتلين علينا بسياستهم الموحدة باش يفرضو مصالحهم علينا اللي في العادة ما تتقاطعش مع مصالحنا (من الاخر المتوسط ما يتحملش انو الضفتين تكون قوية) زيد عليهم شكشوكة مشاكل المناخ و الماء و الطاقة اللي كل وحدة فيهم شانطي كبير في عصر التكتلات الكبيرة انك تبحث عن تكتل موش لوكس انما يولي غريزة بقاء (الحيوانات فاهمة اللعبة احنا ما نعرفش وقتاش باش نفهمو). لمواجهة التحديات هذي لازم جيش كبير و عتاد و هذا ما تنجموش دولة وحدة نلمو بعضنا و شوف نسلكوها و شوف لا سياسة خارجية موحدة موش ترف فكري انما ضرورة مصلحة التونسي و الليبي و الجزائري و المغربي و المريطاني تتقاطع في جل الملفات تقريبا منها مسائل العلاقة بالاتحاد الاوروبي، السياسة اتجاه بقية دول افريقيا، علاقتنا بباندي العالم (امريكا)... و هنا نحكي على عامة الناس موش الحكام (للاسف ديما يكورو ضدنا) مشاكل المناخ و الماء و الطاقة تحبلهم استثمارات كبيرة و جهد كبير كان نوحدو سياساتنا نجمو ننتفعو من بعضنا و نحلو المشاكل اللي ما ينجمش كل واحد يحلهم وحدو الجانب الاقتصادي نتصور كل شيء واضح سوق موحدة مع حرية التجارة و التنقل يخلق ديناميكية كبيرة في المنطقة و قادر يبلع قدر كبير من جيش البطالة اللي عنا باش نوصلو للشيء هذا موش لازم نوليو دولة وحدة يكفي يكون عنا كيان يجمعنا كل بلد فيه يحافظ ع الخصوصية متاعو يكون عندو قوانينو الخاصة لكن الكيان هذا يحافظ على مصالحنا كشمال افريقيين للاسف احنا كعبتين و كعبة فمن غير المعقول انو نبقاو هكا نتناقرو و الغير يكمبسلنا مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات