شوليقة و الغنوشي ( سلسلة مطعم سلطانة) | قصة نجاح زوز شباب في عمل سلسلة عفوية و المزج بين الكوميديا + التسويق + فن الطبخ + الوطنية + الطاقة الايجابية - موضوع جديد في المنتدى الذي تتابعه

منتديات تونيزيـا سات نسيب رمزي قام بنشر موضوع جديد في القسم الذي أنت تتابعه في منتديات تونيزيـا سات. شوليقة و الغنوشي ( سلسلة مطعم سلطانة) | قصة نجاح زوز شباب في عمل سلسلة عفوية و المزج بين الكوميديا + التسويق + فن الطبخ + الوطنية + الطاقة الايجابية اشكون ما يعرفش شوليقة صاحب المقولة الشهيرة: "اللي عندو رواري يزيد يتنفّس" بجرد لايف نجحوا زوز شباب: شوليقة و الغنوشي و مروان باش يوصلوا يعملوا جمهور في تونس، و في العالم، يتبعوا فيهم في فرنسا، بخلاف الدزاير و ليبيا. وين كنا وين صبحنا؟ طبعا رجعوا شخصيات معروفة على الصعيد الوطني و مشاهير، هذاكة علاش نسمحوا لارواحنا باش نعطي لقيصر ما لقيصر. 1 ـ فكّ محتوى الطبخ من الاتراك (بوراك و نصرت) : ضرب على درابو المحتوى التونسي في السنوات الماضية، كان محتوى الطبخ و المطاعم، يسيطر عليه الاتراك، و اللذين يتعمدون احداث صفحات عربية، لعمل متابعين عرب و طبعا ينتدبون communities manager. الاشكالية هو عدم تطابق الاذواق التركية و التونسية كما يجب؛ حيث ان نصرت مهبول يقلي طرف لحم يوز كيلو ونصف في 3 كيلو زبدة. او بوراك يشد نعامة يحشيها بالفلفل و البروكلو و يعومها بالزيت و يبتسم ابتسامته الصفرواية على اساس ان الاكل جيد، بينما اللي فطروا في مطاعمه يحكيوا منظر برك، لا مطعم، لا بنة. 2- المطبخ الصفاقسي: هو المطبخ رقم 1 في البلاد التونسية بدون منازع معروفة ياسر و عالميا cuisine sfaxienne: شوليقة و غنوشي نجحوا في تسويق المطبخ الصفاقسي اللي يمثل العمود الفقري للمطبخ التونسي. المطبخ التونسي 80% منو هو مطبخ صفاقسي في حقيقة الامر. الحاجة الباهية بحكم ماكلتهم و خدمتهم ثيقة و كذا، و عملوا اسم، رجعوا يصدروا للخارج للمواطنين بالخارج في كامل انحاء اروبا في الماكلة. 3- ملل العباد من المسرحيين و الفنانين الغير ملتزمين و التصنع: كان ما فيبالكمش: زوز كوميديين كبار و فشلوا باش يضحكوا العباد و صارولهم خيبات امل كبيرة برشة عمناول: العملاق لطفي العبدلي و العملاق الامين النهدي. عبقرية شوليقة و الغنوشي هو في خلق كوميديا صادقة و غير مصطنعة تنجح باش تضحك العباد من غير كلام زايد، في وقت صعيب ياسر فيه باش تضحك المواطن التونسي. بجرد تاليفون لايف، نجحوا باش يفكوا مارشي كاسد هو مارشى الفكاهة و الكوميديا في تونس. + بخلاف هذا، العباد فدت من الفناين الغير الملتزمين، اللي ينرفزوهم بدياثتهم في القيم العربية و الاسلامية التونسية (هاو مساكنة، هاو نباتية، هاو الزنس قبل الزواج ميسالش) و اشتغالهم لاجندات المنظمات الاجنبية في نشر الووكيزم. نجحوا باش يفرحوا بضيوفهم من كامل الجمهورية و يجمعوا الشمل، بخلاف تشريفات و ديبلوماسية رفيعة مع الضيوف الدزيرية و الليبية. 4- عقلية الحمد الله: في وقت 80% من العباد تشنطج "باش نغادر تونس"، "هاني هاج"، "هاني خليتهالكم واسعة و عريضة" "il faut quitter le pays" و زيد في الكليبات بلطي يغني"زعمة نحرق و لالا" و سمارا يغني "ما دايم والو" عل الحرقة الخ. شوليقة و الغنوشي لا يهمهم لا في لايهمهم زلزال لآعصار لاتغيرات مناخية لا الدولار طاح: المهم عشرين دينار و صحن مقلي و صحن سلاطة و معاه كل مرة حاجة جديدة. وقت العباد الاغلبية تنشر في الموجات السلبية: شوليقة و الغنوشي يبثوا في الموجات الايجابية. طبعا نجاح الباهر ليهم تسببلهم في برشة نغارة من الميدان و من القطاع الفني : قهروهم كيفاش رجال من غير كلام زايد، و من غير عراء، و من غير ما يكونو جمعية رياضية، و من غير ما يكونوا تابعين فيراج سياسي، نجحوا باش يكونوا رقم 1 في الجمهورية من حيث التفاعلات. بخلاف البلدية شادتلهم ڨول.... مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات