عملية العشاء الأخير ،هل وصل نظام الأستاذ قيس سعيد للتمكن من دواليب الدولة نهائيا؟ - موضوع جديد في المنتدى الذي تتابعه

منتديات تونيزيـا سات رياض_فالحي قام بنشر موضوع جديد في القسم الذي أنت تتابعه في منتديات تونيزيـا سات. عملية العشاء الأخير ،هل وصل نظام الأستاذ قيس سعيد للتمكن من دواليب الدولة نهائيا؟ التوقيفات متاع المرحلة هذي أطلقت عليها عملية العشاء الأخير ،خاطر ثمة خدمة جبارة تخدمت والاستاذ قيس سعيد تعشى بمجموعة المتآمرين عليه ،موش كيما المرة الفايتة منين المستشارة متاعو ديما لاصقتلو وظهرت تحفرلو و إلا المستشار الإقتصادي متاعو الي ظهر عندو شركة قمار ...حسب تسلسل الأحداث ثمة مؤامرة كبيرة كانت تتنسج لتونس و تم إحباطها و إلا قيس سعيد يحب يوجه رسالة للجميع بأنو تمكن من دواليب الدولة و كل يد شدت أختها ،الرسالة متاعو صادمة جدا وقوية للمعارضة التونسية و كل من خذى فرصتو في تونس في العشر سنوات الفارطة ...هي مجرد تخمينات مني ،الاستاذ قيس سعيد حب يقول الي هو أحسن شخص للمرحلة هذي لحتان تصفى تونس ،خاطر مثلا الإرهاب إختفى نهائيا بمجرد سيطرتو على مفاصل الدولة و زيد الوضع في تونس في الحضيض ،يعني وصلنا للقاع ورغم ذلك شهريات الموظفين العموميين قاعدة تتصب عادي ،رغم الزيادات ،بخلاف الحرب من قبل المحتكرين الي أكيد يتبعو المنظومة السابقة خاطر كل مرة تختفي حاجة من السوق بطريقة منظمة تحس وراها كيان قوي ،يا حزب ،يا منظمة ما...أكيد بعد سلسلة التوقيفات الي سارت الايامات هذي باش يتكشف السبب... زادا مازال مجلس النواب الجديد ما خذاش فرصتو ويلزم فترة باش يبان هل هو خير أم شر ...بخلاف البلاد ماعادش تتحمل مرحلة جديدة ،الأحسن المحافظة على الموجود و العمل بيه ...ثمة نعمة مشنا حاسين بيها كتوانسة الي هي أنا لتوا ما خذينا قروض ضخمة كيما سار سنة 2012 و بعدها ،صحيح قاعدين نخلصو في فاتورة الفترة هذيكا لكن بين توقعات و آمال الي كانوا في الحكم اني الدولة تنهار وتعجز والمصير المصري و اللبناني الي نجنبناه بأعحوبة ... هي الكلها مجرد تخمينات وتوقعات شخصية ،نتصور الي كانو يحكمو قبل كان يريضو ويركحو بطول الوقت قيس سعيد يا يحقق نجاح إقتصادي و يتخلى عن الحكم بطريقة ديمقراطية حسب دستورو الي كتبو و إلا باش يهريه الحكم و ووحدو وحدو ينسحب... مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات