كارتالات المقاولات في تونس - موضوع جديد في المنتدى الذي تتابعه

منتديات تونيزيـا سات Tsinja قام بنشر موضوع جديد في القسم الذي أنت تتابعه في منتديات تونيزيـا سات. كارتالات المقاولات في تونس سلام هيا سيدي هالأيام كلمني صديق عندي أشهرة ماقابلتوش و مشينا بش نعملوا قهوة, وينك يا فلان لباس شعامل في الخدمة صدمني كي قالي أنو بطال مع أني فيبالي بيه شد خدمة اشهرة لتالي مع مقاول, هو مهندس و بعثو المقاول لولاية أخرى بش يخدم في واحد من المشاريع الي خذاهم. الحاسيلو أعلمني أنو المقاول فلس و باع الماتريال أما الحكاية متاعو و كيفاش فلس هي الي وقفتلي مخي يا سيدي بن سيدك المقاول هذا ربح صفقة عمومية في ولاية لا فايدة في ذكر اسمها و كان هذا أول مشروع ياخذو خارج جيهتو و هو مشروع إنجاز طريق و بش يكون واحد من أكبر المشاريع الي خذاهم. الحاسيلو سي المقاول بدى بش يتوكل على ربي و يبدى في الأشغال يجيوه جماعة من الجهة الي خذى فيها المشروع و على الأرجع مقاولين كيفو يقولولوا بالحرف الواحد "المرة هذي هاك دخلت و خذيت مشروع بصحتك, المرة الجاية البر هذا معادش ادور بيه و معادش أصلا تصب في الصفقات العمومية في الجهة هذي". الحاسيلو سي المقاول تنرفز و طردهم و قاللهم أنا عندي الحق ناخذ مشاريع في كامل تراب الجمهورية مكمش عاملين دولة وحدكم. برى يا سيدي توكل على ربي و بداو بش يخدموا يلزموا يشري مواد أولية متاع الطرقات من غريفاي و غيرهم و طبيعي يلزموا يشري من الكاريارات غادي في الجهة هذيكا, يا سيدي الي يمشيلوا يعطيه السوم x5 السوم المتداول و يقلوا اشرب و الا طير قرنك هذاكا الموجود و الا شوف غيري الحاسيلو دارهم كاريارات المنطقة هذيكا الكل لكلهم نفس الحديث يبيعوا لبقية الناس بسوم و هو بالذات السوم x5. طبيعي جدا هو معمر المارشي و عامل حساباتو على سوم واقعي و المواد الأولية تاخذ من أكبر النسب من الكلفة و ماينجمش يجيب من ولاية أخرى تتكلفلوا زادة برشة فلوس الترانسبور و طبعا ظاهر أن الجماعة هذوما عندهم علاقاتهم و سكروا عليه من الجهات. الحاصل أسيدي سي المقاول هذا رصاتلوا طبعا مانجمش يخدم المشروع و هبطت عليه خطايا التأخير و قيد فلسة و باع الماتريال و منع من الحبس كان بسيدي و سيدك و صديقي هذا مسكين قعد بطال و رجع يلوج في خدمة من الأول لجديد. كيف حكالي الموضوع قعد باهت كيفاش فما مافيات منتشرة في كل القطاعات تقريبا و ولات عبارة كارتالات كيما في المكسيك و كولومبيا كل واحد واحذ جهة و أسواق بأكملها محتكرتها و يا ويلو الي يخمم يدخل يزاحمها و طبعا في غياب الدولة الي ماتحميكش و تخليك وجها لوجه معاهم مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات