شنوا مصير الناس المقربين من النهضة والموظفين الي عينتهم النهضة في صورة حضر الحركة؟ - موضوع جديد في المنتدى الذي تتابعه

منتديات تونيزيـا سات رياض_فالحي قام بنشر موضوع جديد في القسم الذي أنت تتابعه في منتديات تونيزيـا سات. شنوا مصير الناس المقربين من النهضة والموظفين الي عينتهم النهضة في صورة حضر الحركة؟ البارح نقرى في خبر إيقاف شخص مقرب من حركة النهضة ،حسب تطورات الأحداث بدو يوقفو في الناس الي ماهربوش من تونس ،خاطر نتفكر الراجل هذاكا كان يخدم مع وزارة الشؤون الدينية وقت الي شدها نور الدين الخادمي...الخادمي ڨطع لقطر ...زادا نعرف وزيرة تشغيل راجلها من الي نفاهم النظام لمحتشد رجيم معتوڨ وهي فرنساوية ،صدفة حصلت في تونس وهو في جنوب إفريقيا ظاهرلي ...حسب ما نلاحظ أنو مسألة وقت والحركة تولي محضورة ...نتفكر في بدايات سنة ال1988 كان يقري فينا معلم شعرو cutlè إختفى فجاة ،سي ميلاد ،قالولنا حول لمدرسة اخرى ،بعد الثورة فهمت شنوا سارلو (شيوعي)...زادا قريبنا كان مدير عام في وزارة الفلاحة وعندو دكتوراه وقتها تعزل وبقى قداش ،حتى وين يعمل مشروع يفسدوهولو ،بعد الثورة فهمنا شنوا كان يصير ...الي نعرفو بعد سنة 1988 برشا موظفين عموميين تعزلو ...تفكرت مسألة عزل الموظفين خاطر نسمع الي ثمة عايلات كاملة وظفتها النهضة والناس يقلوا العايلة هذيكا كاملة دخلو موظفين عموميين في وقت حتى بالlogique مستحيل يخدمو 3 اربعة افراد من نفس العايلة موظفين بينما بقية الحومة يبقو بطالة ...زادا ثمة عايلات كاملة توظفو خاطر عندم نقابي في عايلتهم كيما المعلمين خاصة نتفكر في مدرستنا عنا معلم نقابي دبر لبرشا من عايلتو تعويض وقالهم باش يرسموكم اصبرو برك وفعلا دار الزمان ورسموهم الكل ...زادا الحضاير و الآلية رئيس الشعبة متاعنا وقت الفوضى متاع الثورة كان يقول أخدمو حتى بلاش توا يرسموكم وفعلا كلامو صحيح ...حسب ما نشوف الموظفين الي دخلو بعد سنة 2012 برشا محسوبين على أحزاب في إطار المحاصصة الحزبية وحتى في الحوم الناس تعرف كيفاش كل واحد دخل يخدم ...زعمة كي يصير حضر حزب حركة النهضة باش يتم التضييق على جيشها من الموظفين وقطيعها من الأنصار و إلا عفى الله عما سلف ،المهم يبقو مسالمين كيما نعرفوهم وسلبيين وسط المجتمع وما يعاونو كان بعضهم وينعزلو على ارواحهم كيما نعرفوهم ... مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات