تعلم السياسة و كيفاش تكون سياسي محنك ! - موضوع جديد في المنتدى الذي تتابعه

منتديات تونيزيـا سات درب التبانة قام بنشر موضوع جديد في القسم الذي أنت تتابعه في منتديات تونيزيـا سات. تعلم السياسة و كيفاش تكون سياسي محنك ! السلام عليكم ورحمة الله وبركاته السياسة في تونس هي فن المراوغة و صنع المشكل ! ممكن حتى موش كان في تونس بركة في العالم الكل ! سابقا كان عندنا نظام ديكتاتوري واضح و صريح ما يستحقش للسياسة او التكمبين لتاثير على الراي العام، الدنيا واضحة ماشية كي الزيت فوق الماء الي يتكلم يصبح في قلبو! بعد 2011 تعلمنا فن المراوغة و صناعة الازمة او ما يسمى بالسياسة الترويكة عملت الارهاب كما الكف و كعبة حلوى ! كل ما تخلى على روسهم و يحسو الكرسي بدا يرعش تسمع عملية او عمليتين و ينقلب الراي العام الكل و ينسى مشاكله متاع فقر و تهميش و تولي اناشيد وطنية و شهداء و اعلام و يحيى الجيش انحلت الترويكة فجاة نقص الارهاب لكن طلع عندنا فوبيا الاسلاميين استعملها حزب الباجي ! و بدات الماكينات تخدم و الاعلام و رجعولنا صورة بورقيبة اصبح رسول (و هو ابشع ديكتاتور شد تونس اصلا كي كان يعذب في السجون لا فما حقوق انسان لا حيوان) و صنعو صورة المنقذ من هذا الوضع ! و نساو العباد الاتفاقيات الي صارت في عهده من صنع تونس لمنطقة عبور افريقيا و وضعية ال black liste الي تحطت فيها تونس من اجل تبييض الاموال و الاقتصاد الي مشى قزاز و ماعادش عندنا حتى غرام هيبة عالمية و endettement وصل لل 90% من PIB الان انتهى عهد الترويكة و الباجي و ابناء الباجي الورثاء و جاءئنا المنقذ قيس سعيد هههه و تخطينا بين المطرقة و السندان! البنوك العالمية تحب على فلوسها و الشعب يحب على كرشه الي جاع فيها طيلت 12 سنة و الموسسات تحب على الانتاجية بعد ما البلطجة اصبحت ماعون خدمة ! كهو سيدنا ما لقاء بها حل كان استعمال السياسة مرة اخرى ههههه صنع مشكلة مع الافارقة جنوب الصحراء للالهاء الراي العام على المشاكل الاجتماعية والاقتصادية الحقيقية للبلاد ! توة معناها 100 الف ( حتى كان وصل 100 الف ) ما فيهمش حل و يستحق تدخل رئاسة الجمهورية ؟؟؟ تي تبعثلهم رافل خمسة ايام في كل الولايات توة تشدهم الكل ! تحطهم في قزرنة تتفاوض مع بلدانهم على اوراقهم و تعمللهم base de données على اساميهم و مكان اقامتهم في شهر تخرج منهم ! و الي حاشتك بيه تعطيه اقامة وقتية لين يلقى مكان عمل و تولي عندو اقامة دورية تتجدد! و الي ما حاشتكش بيه ترجعو في طيارة الي جا منها و السلام عليكم! لكن لا كيفاش نعطيو حل المشكل ! لازم نخلقو الازمة باش نلهيو الراي العام و حتى الدولي! هذي هيا السياسة ! يبقى الزوالي مسكين فقير مهمش موش فاهم كيفاه ينتفو فيه بالخبز و السميد و الفرينة و الحليب و القهوة الي اصلا مقطوعين! و كيفاه المواطن البسيط ما ينجمش يشري خربة يسكن فيها خاطر tmm طالع للسماء الفوق ! و المواطن المتوسط لازم قرض ب 70 مليون باش يشري كرهبة حكة !! خاطر الديوانة و الاورو طالعين للسماء انه فن السياسة Dans un mondé parallèle في الخدمة يخدم معايا زميل من رواندا! طالبو عليه مضمون قتله مسكين باش تخسر نهار سفارة و دزان قلي لا علاش ؟ وراني قدامي في 5 دقايق خرج مضمون اصلي من الانترنت!!!! قتله باهي و الباسبور قلي 5 ايام و قتله باهي بطاقة التعريف … اه قلي هذيك تاخذ باااااارشا وقت ! فرحت قلت لقيتلو حكاية كما تونس قلي 10 ايام ههههههههه سكرلي البرنامج سي علاء خاطر ما عينيش نحكيلكم كيفاه تعمل شركة في رواندا الي هي في افريقيا هههه السياسة فن ! و التوانسة مبدعين على زملائهم في رواندا مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات