توا التلفيزيون السوري من السبعينات و هو يعدي و يترجموا في الوثائقيات اليابانية و الامريكية و غيرها.
و عداو برشة وثائقيات على موضوع الزلازل.
و في الذاكرة الشعبية و التاريخ، زلزال حلب 1138 (230 الف شهيد) و زلزال حلب 1822 (20 الف شهيد).
يعني كيما احنا في تونس، عندنا عام الجراد و كذا.
طبعا الاتراك، ما تحكيش معاهم في الانشاء و التعمير، على خاطر سي سنان باشا (ليوناردو دافنشي متاع العثمانيين).
من المفروض يصير نقد ذاتي و اقتباس من التكنولوجيا اليابانية في البناء.
عندهم 50 سنة و هوما يترجموا في الكابتن ماجد و سالي و ماروكو الصغيرة: ما يشوفوش زعمة في ديار اليابانيين كيفاش؟
في عهد سيدنا عمر رضي الله عنه، لم يكن هناك مقياس ريشتر، و نظرية الصفائح مازالت لم تنشأ. صحيح و جعلنا الجبال اوتادا موجودة و اعجاز علمي، لكن كتاب القرٱن الكريم ليس كتاب جيولوجيا و ليس بموسوعة علمية.
الاغلبية تبرطاجي، و الله اعلم هل هو قولة صحيحة ام لا، لان تفسير أي ظاهرة طبيعية كونها عقاب الاهي استنادا لماذا جرى للعرب البائدة من عاد و ثمود و قوم النبي لوط و النبي صالح ... من غاديكة عندنا " وأن الله ليس بظلام للعبيد", "ولا تزر وازرة وزر أخرى". لكن التفسير العلمي هو الصفائح اشتد الظغط فيها و تتنفس و تحدث الزلازل ، و الاسلام دين علم.
اشنوة البهايم اللي ساكنين في بالاصات في مناطق الخط الزلزالي؟
شي ينطق، كيفاش في منطقة زلزالية تمشي تشري و تسكن و تبني بالاص.
لانه كل ما يطلع مركز الثقل، كل ما الاهتزازات تكون اكبر، كل ما انهيار المبنى اكثر.
هذا و مناخهم مشابه لليابان في برده، و مع ذلك يكابرون يرفضون الاقتباس عن اليابانيين.
طبعا الباعث العقاري تلقاه ريعون تركي او ريعون سوري معكعك من معامل النسيج و المرابيح يمشي يدورهم نزل و اقامات و بلاصات و ديار.
و توا تحل الكتاب متاع الجغرافيا، ما يتحشمش منك؛ يوريلك خط الزلازل و يعديه من تركيا و من سوريا، و يعديه للاسف من تونس زادة، وين زادة عاملين ارواحنا ما فيبالناش بالحكاية.
الهندسة اليابانية في المنازل المقاومة للزلازل ناجعة جدا:
يصير زلزال، الدار تشطح و لا تنهار
و بره انهارت، السقف خفيف و غير قاتل، و اعادة البناء سهلة
توا في وقت الكاميروات، كان يدوروها منازل يابانية افضل، لكن طبعا لوبي الاسمنت و الحديد و مواد البناء سوف يعارض بشدة.
ليس المطلوب اتباع التكنولوجيا العصرية، لكن التكنولوجيا القديمة كافية جدا.
علما و ان سوريا بالاساس دولة فاسدة فيها برشة جعالة، مواصفات البناء متاع الشيلي ما تمشيش فيها: الشيلي عادي زلزال 8 درجات، ما يموت حد.
حلب تلعب مع E(x) ، قال اشنوة مرة في 250 سنة و يحتمل 500 سنة، يخي قداش باش نعيشوا، بره صب الدالة و الستار ربي.
Posts
حبيبي ليس يعدله حبيب *** ولا لسواه في قلبي نصيب حبيب غاب عن بصري وسمعي *** ولكن في فؤادي ما يغيب يا حبيب ...
No comments:
Post a Comment
🤔