20 سنة باش حققت حلمي متاع full-time trader | أحسن خدمة في العالم* (المهندسين يكسروا راسهم، انت مستثمر في خدمتهم) - موضوع جديد في المنتدى الذي تتابعه

منتديات تونيزيـا سات نسيب رمزي قام بنشر موضوع جديد في القسم الذي أنت تتابعه في منتديات تونيزيـا سات. 20 سنة باش حققت حلمي متاع full-time trader | أحسن خدمة في العالم* (المهندسين يكسروا راسهم، انت مستثمر في خدمتهم) تجنبا للتكرار الممل حكيت في السابق اللي تونس اتنجم تخدم و ترجع قوة عظمى في trading بانها تخدم 200 الف traders محترف، يدخلوا اموال طائلة من العملة الصعبة و ترجع كيما دبي، معقل من معاقل trading. حكيت زادة على الفروخ اللي تلعب بالمليارات في الكريبتو و رجعوا الكريبتو "لعبة"و ليس ميدان استثماري، و تحكى مؤخرا على صناعة اخرى يعتقد عامة الناس انها متاع فروخ بينما الشركات اللي ناشطة فيها تتباع اغلى من الناتج التونسي القومي الخام بالبترول و الفسفاط المحنون، بزيت الزيتون، بالسياحة المحنونة الخ. طبعا تهموني برشة بالكذب لين مرة هبطت لجيمس71 تصويرة فيها تحويلاتي مع صورة المنتدى ، طبعا ادارة المنتدى فسختها لانها معطيات شخصية، و توا اللي يتهمني بالكذب نحطلو ok bb لان موش الناس الكل تحبك و تحملك. تحبوا العباد تضوي: اول حاجة باش يعارضوهم يا كذابة ، بخلاف التمييع يخسر عليك سي دريد يحطلك اللي يضحك. لانو الميدان هذا، 99% من المحتوى في اليوتوب محتوى حشوي (ناقص كان باش نقول 100% حشوي)، نهار اللي توصل تشرب فيه من العين، تشيخ عليهم كيفاش يبداو يجلزوا بلينتة و فايونص و يزكيوا في بعضهم. اتنجم تكتب في اليوتوب how to become full-time trader ، تلقى في نهاية الامر كان الريق البارد و اللغة الخشبية جيت نحاسب في روحي : 18 سنة باش رجعت مهندس و 20 سنة باش رجعت full-time trader : يعني استغرقت وقت طويل ياسر باش نجمت نوصل للهدف هذا. يعني وقت اطفال صغار في عمر التمهيدي توا بداو يقراو و توا تخرجوا مهندسين. le paradigme متاع حياتي الكل تبدّل : تبدل في الاتجاه الايجابي. قبل نحس روحي passif توا نحس روحي actif. قبل قلت لعرفي 2012 وقت خذا قرض من الحيط موش استثمار في الشركة و انا نكسر في راسي باش خلصنا الديون السابقة و وصلنا مكاسب ما يقدر ب 500 مليون و يعاود ياخو قرض متاع شماتة باش يبني بيه 8 ديار "مولى المول يصور، البنكاجي يصور، الڨروسيست يصور، و المهندس ما يصور شيئ" و تنكر لوعوده في مضاعفة الشهرية و كذا، و خصوصا تم استباحة شرفي الهندسي وقت روحت لتونس كغبي. انتقمت من اعرافي 12 عرف: انتقمت منهم. نظريتي لدراسة الاطفال: رجع بالنسبة ليا مستوى سنة 5 ثانوي كاف جدا، باش يتعلم و يتقن الواحد فن trading, و لو انه يلزم فقط يقرا درس Probabilité متاع 6 ثانوي. هذا وقت نشوف التوتر عند الأولياء أنيسي و رفيقي و صديقي و عريفي و شفيقي و نور المشرق و نور المغرب. في trading عندك 50% حظوظ باش الاتجاه اللي حددتو يكون هو الصحيح و بما انه كل صفقة تحلها فيها "رسوم فتح الصفقة" عند البروكر و بمجرد فتح الصفقة، الواحد يكون خاسر عندك اقل من 50% حظوظ باش الاتجاه اللي حددتو يكون هو الصحيح لِنَـــقُـــل 48% يعني على طوالتها باش يكون الواحد خاسر و هذا ما يكفيش اذا تربح من 10 مرات في 5 مرات 1 دولار و 5 مرات تخسر فيهم كل مرة 5 دولار او يتمرجن الحساب. و نحسبو E(x) Espérance mathématique E(x) = -5 $ *0.5+ 1 $*0.5 = -4.5$ << 0 E(x) سلبية، يعني لعبة غير عادلة 95% من العباد تخسر فلوسها في الفوركس لانها موش واعية كونها تلعب في لعبة غير عادلة JEU INEQUITABLE. 70% من العباد تخسر في فلوسها في الفيوتشر لانها موش واعية كونها تلعب في لعبة غير عادلة UNFAIR GAME. 50% من العباد تخسر في فلوسها في سوق الاسهم لانها موش واعية كونها تلعب في لعبة غير عادلة. تربح برشة مرات لكن تربح شوية و تخسر برشة مرات خسائر كبيرة : النتيجة خسارة ثقيلة تربح عدد مرات ربح صغير و تخسر مرات خسارة صغيرة : النتيجة خسارة سيناريوات الربح موش برشة : تربح ياسر و تذبح برشة مقابل خسارات صغار ياسر تضاعف الحساب مقابل خسارة 5% مثلا تربح ديما و ما تخسرش جملة : باش توليلي فيها صانع السوق! Seriously طبعا يقولولي صحابي اشنوة اللي باش يصير فيك، هاو البيتكوين طاح، هاو بورصة نيورك عاملة سلبي 3%، هاو البترول هابط 2% بينما الحكاية الكل طلعت تعمل سيستام يهزّ بعضو و يحترم قواعد la probabilité. و فمة حاجات حرام ما يتخدموش و فمة حاجات موضع اختلاف و فمة حاجات موضع اتفاق جمهور العلماء. اذا الخدمة بالاتجاه متاع السوق: 50% باش تربح المرة هذه، 25% باش تربح المرة الجاية، 12،5% باش تسلكها المرة الجاية لين توصل ل 1 و 0.1% و حاشاكم السقاط يصبولهم "the trend is your friend " و هو اتجاه السوق الترند المحنون يتبدل طبعا. حسب نظريتي اللي عندو شوية كابيطال، ما ينجم ينجح كان ما يعمل سيستام فيه اتجاه السوق لا يهم و لا يعني، بينما داك خونا مخربقها شاري برشة indicators باش يوريلوا اتجاه السوق و مشترك في برشة قنوات تليغرام باش يعطيوه نقاط الشب، عفوا نقاط الدخول و الخروج. اكثر ثيقة خذيتها في روحي، هي وقت نعرف كل اكسبرت وقتاش يموت و قاري حسابي لانهيار ب 20% في نهار واحد: ما يقلقنيش و عملت موضوع عملاق في منتدى الكريبتو عن الحكاية هذه : الاكسبرت يلزم تجرب عليه جميع انواع وسائل صانع السوق الهجومية باش تعرفو وقتاش يموت، موش تجربوا بمعطيات قديمة و تقعد تدعي (لان الدعاء، غيرك يدعي باش السعر يمشي في الاتجاه المعاكس، و صانع السوق هو من اللي يختار اتجاه السوق طالما ينجم يتحكم فيه و كلمته هي الاخيرة). طبعا الكلام هذا يصدم العباد اللي سخنّوها بالتحليل الفني و بالتحليل الاساسي. تعمل روحك خبيث و كذا، و اتبع في الاخبار الاقتصادية: صانع السوق يحرك السوق في الاتجاه المعاكس، قال اشنوة السوق تفاعل في السابق بناء على التوقعات. الموشرات اللي يقريوا فيهم هوما في حقيقة الامر عندهم بينات بعضهم قرابة : يعني تلاحظ طبيعيا جماعة السينيالات الكل يتعبوا في نفس الوقت بنسبة 99%، و تصير اوقات متاع تمرجينات جماعية بسبب كون المؤشرات تعطي اتجاه غالط. و كان تعملهم المؤشرات الكل لفتح صفقة يكونوا متناغمين باش يعطيوا اشارة بيع او اشارة شراء، الاكسبرت لن يفتح اي صفقة او عام كامل باش يفتح صفقتين. يجيني والدي، (والدي ربي يفضلو اما عندي تحفظات على بعض من طباعه و المقارنات اللي يعمل فيها، اللي تخليه اقرب للحسودي للاسف) يقولي موش مشكل ما رجعتش سفير، اما هاوكة زميلك يخدم في شركة Tesla في امريكا او اي شركة اخرى. زميلي سابقا ربما يشري اسهم في الشركة اللي يخدم فيها او يعطيوه اسهم كيما في Apple، اما الفرق هو يعمل لاجلي. نحس روحي رجعت نوعا ما امير قطري او شيخ اماراتي، هاوكة المهندس الفرنسي و المهندس الالماني مڨطع روحو، و في الاخير يخسر عليه يشري السهم متاع الشركة اللي يخدم فيها. موش الفايدة في الهندسة مثلما خدعونا، الفايدة في management و الاستثمار ، اللي في تونس صعاب مقارنة بالخليج بحكم الكابيطال شوية. الحاجة الثالثة: حاسس روحي و الحمد ل الله عايش في تونس عبارة امريكاني: الماكلة ديما مشاوي و كل ما هو شورمة و همبورغرات و tacos و غيرو . تحب لحم فمة لحم، ما تحبش لحم فمة دجاج، ما تحبش دجاج فمة حوت. من اللي زاد الغلاء، انتقمنا من الحكاية بالمشاوي. ما نڨينوهاش و ديما فمة جو. تحب delivry فمة توصيل ب 7 دينارات، تحب احدث الافلام موجود، تحب كونكسيون قوية موجود 2 خيوط 20 ميڨا. ماكينة صابون، ماكينة غسيل ماعون، زوز فرجيدارات و فريڨو لللحم و الدجاج و الحوت، و فريڨو للخضرة و غيرو ، برشة éléctroménager. اشنوة سي الامريكاني الزايد في مستوى العيش متاعي؟ مانيش ماركة وتلة، اما كان نحب نلعب تنس، او نلعب ڨولف انجم، لكن موش شربي. نتبع احسن ماتشووات في الاوركا. هاني نتبع في قنوات Dmax و غيرو، و مبعد. علاش تحبني نسب راشد الغنوشي او قيس سعيد بالسيف؟ لكن بلادي نغير عليها، و نحبها تقعد لينا موش للاجصيين هناني بناني. 100 الف اجصي ما اكثرش، موش 1 مليون. و زيد ما فمة شي مع الاجصيات، لانه تعدد الزوجات غير مسموح به، و في نهاية الامر تشرط عليك باش تبعث شهرية لاهلها و اخواتها. من ناحية اخرى، بلادنا موش مستعرفة بينا و موش مستعرفة بالنشاط، و البنك المركزي لن يعترف بالنشاط لان محافظ البنك المركزي هو اقوى منصب و منصبه اقوى من منصب رئيس دولة في اي دولة في العالم، و لا يعينه رئيس الدولة انما يزكيه فقط. حاجة اخرى، في الخدمة يلزم الربط بالانترنات يكون طويل المدى، يعني ما تقصش، و ليس حكاية تدفق بالاساس، لانه جرد 50 كيلو كافيين جدا. عندي موديم من فرنسا (حبيت نشريه من تونس طلبوا عليا 1400 دينار و هو في فرنسا سومو جرد 45 يورو). VPS باهي، اما بالنسبة لاستراتيجيتي ما يساعدنيش و جربتوا، طلعوا يبالغوا في مزاياه، و زيد يلزمني ما يعادل 200€ اشتراك باش ينجم يحمل الغصرة متاع تحليل برشة نوافذ في 1 دقيقة. علاش موجات ايجابية و تفاؤل و كذا؟ لانه بالحق، نجاحي الاول هو في الهجرة للخارج، و فشلت في البقاء في الخارج و انا تونسي ياسر، و نجحت وقت خرجت نخدم بوحدي و استقليت من الصناعة، و اخيرا نجحت باش نثبت اموري و نطمان على حكاية full-time trading. فمة شباب روس و فرنسيس و ليبية مستقرين في تونس يخدموا في trading لانه كل واحد تونس تساعدو في حاجة... طبعا ما ينجح في trading كان بروفايل lobo solitario : عمرو ما كان عمل جماعي، لانو صاحبك يدعي باش البيتكوين يطلع باش يكمل الطرح، و انتي من غاديكة ماذا بيك البيتكوين يهبط باش اتنجم تدخل تلعب. و زيد كل ما يقولهولك صاحبك من نصائح و اقتراحات 50% صحيح، 50% غالط. ما عنديش سلعة و مواد غذائية تفسد في تجارة باش نخاف عليها ما عنديش موظفين و خدامة باش نخلصهم كل شهر، و لازمني ذكاء اجتماعي و تكمبيص باش نسيطر عليهم قال اشنوة leadership ما عنديش شركة نخدم معاها تقولي ابعثلي الخدمة متاعك و الفاتورات ما وصلتش لمرحلة استعراض الثراء : دبابة من نوع 4x4, دراسة في تعليم خاص اروبي ، سفرات سياحية سنوية ، يخت صغير و ما حاجتيش باش نوصللها، لانني فرحان بالمستوى اللي فيه و نظرا لضرورة تقمص الغامض و لاتقاء العين في اللايف تحل البورصة الامريكية او 9:30 متاع الصباح بتوقيتهم مع العشية، تبدا الخدمة العشية الاكسبرتات يخدموا ليل و نهار ما يرقدوش: ساعات يطلبوا تدخل انا و الاخبار باش نوقفهم و نخرج من السوق في البيتكوين حاليا ما نلعبش اهم مكسب هو مخي مرتاح برشة و هذا مهم جدا لرجل اربعيني مكهب عل الخمسين الانشطة الذهنية القوية ارتحت منها، و هي اللي تعرقل سعادة الرجل لكن للاسف ما انجمش نسترجل اكثر، هو يعتبر استرجلت كيف حكيت على روحي: اذا نعملوا سينيال فيه اكثر من 100 واحد او 1000 واحد، توصل المعلومة مباشرة لصانع السوق كون برشة صفقات تحلوا في النقطة الفلانية، تصير "ڨاب" او فجوة سعرية نظرا لان الطلب كثير هناك، و تلك هي بداية النهاية. اللي يحب ينجح، باش ينجح بوحده، اتبقى يحاول يقلب استراتيجة خاسرة لاستراتيجية رابحة. لكن اذا فمة 20 الف تونسي (10% فقط) كل واحد يدخل لتونس 3000 دولار في الشهر كمعدل (نظريا اللي يدخل 3000 ينجم يدخل 10 الاف و 30 الف: في التطبيق تكور ب 1000 دولار اللي مستعد تخسرهم افضل ربما من 2000 دولار اللي نفسانيا ما اتنجمش تخسرهم، مع انظباط شديد في تحويل الدولار لدينار تونسي و تخريجه من السوق: لانها كيما الاسماك، يلزم توصل البر) : هاذوما مداخيلهم 60 مليون دولار في الشهر او 720 مليون دولار سنويا: قرابة 1/3 مداخيل السياحة، من غير مصاريف باهضة في العسة و الامن و الدعم و الدعاية و زيد تصور منهم 72 مليون دولار اذا تعترفلهم بالقطاع و ب 10%. ربما باش نتولهى في مسؤولياتي الاخرى مع الافتتاح الجديد للكونغرس المحلي، هذاكة علاش استودعكم و ان شاء الله لنا عودة اي استراتيجية خاسرة، حاولوا افهمها علاش خاسرة و العلاقة بين equity & balance ، و شوف نسبة تكاليف فتح الصفقات و على ضو ذلك سوف تنجح باذن الله طالما عندك فكرة عن Probabilité الخسارة و التمرجين الخ تقلب الطاولة و ترجعها من لعبة غير عادلة، للعبة عادلة و رابحة. مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات