"الحشو" الأوتوماتيكي ... حاجة في الدم - موضوع جديد في المنتدى الذي تتابعه

منتديات تونيزيـا سات توفيق77 قام بنشر موضوع جديد في القسم الذي أنت تتابعه في منتديات تونيزيـا سات. "الحشو" الأوتوماتيكي ... حاجة في الدم peace لمن يريد السلام ... نعرف برشة ما يحبوش ايا السلام عليكم عندك زميل في العمل علاقتك بيه طيبة ... و غلط غلطة في الخدمة ... ماهيش حاجة grave عالاخر ... عروفاتكم متعدّين من بحذاكم فماذا ستفعل ؟ تلعبها بونصيحة و "كوم كوا" تنصح في زميلك و تبينلو الخطأ و الأسباب و النتائج في اطار مسرحية تفلّم بيها على زميلك و عروفاتك أم تحاول تلملم الموضوع قدر ما أمكن بدون ما تضر نفسك أو زميلك ؟ خاصة و أنو الفيلم الي بش تعملو غير مجدي لا ليك و لا ليه و لا لأي كان ؟ :sm-think: هات نشوفو الوضعية بتغيير عنصر هام في المعادلة : توا عندك زميل علاقتك معاه خايبة , تكرهو و ما تهضموش ... و هذا من حقّك و حاجة طبيعية جدا ... لازم فما balance أنك تكره و تحبّ ... ايا سيدي زميلك الي ماكش حاملو غلط غلطة في الخدمة و انت فقت بيها ... و عروفاتكم متعدّين ... ماذا ستفعل ؟ هل تصمت ؟ و يدبّرو ريوسهم ... أم أنك تتحول الى آلة "حشو" و تبدى في الخدمة و هذا الكل في قالب نصيحة و تنبيه من مغبّة اقتراف الأخطاء :yes: كنت في يوم ما أعتقد أن هذا المنتدى كان يجمع النخبة و زبدة الزبدة متاع التوانسة ... و لكني اليوم شبه وقفت على حقيقة أني كنت مخطئ الظن ... فزبدة الزبدة ما تزيد عالرعاع كان الصبر كلنا يكيل بمكيالين ... و كاذب من يقول عكس ذلك :) صاحبي نكوفر عليك آما نسالك مغرفة ؟ حتى كان ما زلطتش راني نركبهالك من الحيط و من بعد "ننصحك" في اطار فيلم عالمي حشوي بامتياز الى حد هذا الجزء من الموضوع ... متأكد أن نسبة هامة من القراء بش يكونو نوعا ما موافقين عمّا جاء فيه ... و بعد اطلاعهم على الجزء الثاني بش يتقلبو العكس و يلعبو دور الملايكة و البراءة الي تقطر من ألسنتهم فرضا يا سيدي نعاود التأكيد على هاك الكلمة "فرضا" قيس سعيد زلّط في خطاب قاسي اللهجة ضدّ الأفارقة شكون أقربلك يا تونسي ؟ قيس سعيد ؟ أم الأفارقة ؟ :sm-think: تي ماو نحكيو من الاخر ؟ تشوف في الحكاية خطاب كراهية و عنصرية ؟ بمعنى أنك تحب توهم الجميع أنك تتمتّع بحس" عدالة " منقطع النظير و انت الي فقت بكمّ العنصرية الموجود في خطابه ؟ و لاعبها اليوم تنصح على الملأ : في غالط في ما يجيش في موش معقول و عاملي مظاهرات و بلاتوات في التلافز عالم كامل يتفرّح و يحلل فيها و الدنيا مدعوكة ؟ هذي نصيحة أم فيلم حشوي أوتوماتيكي ؟؟ :sm-chick: هل تعلم حبيبي أن النصيحة على الملأ فضيحة ؟ الراجل ما غلطش ... آما برشة يسالوه مغرفة ... و كيف ما قلنا ... هي حاجة في الدم ... ما غلطش آما نركبوهالو نركبوهالو و الفيلم الحشوي لازم و لا بدّ نعملوه :no: شوفو رؤساء الدول و تعاملهم مع أي شي يقلق راحة شعوبهم ... ما يطيحوش السراول :angry:... و الدبلوماسية نافعة و ضرورية كيف تبدى دول الجوار تبادلك الاحترام الي تقدمهولهم ... انما الي يسيّب عليك "فِرتو" ما تنجّم تقلّو الا " لِمّ روحك يا عمّ محمّد" بأقصى و أحرش لهجة ممكنة ... و يتغشّش ولا يتفلق حدّ ماهو شادد عليك السما لا تطيح يا تونسي يا صاحب الحشو الأوتوماتيكي العشوائي ... اختلط عليك الأمر و انت تظن أنك تفعل صوابا ... و حسّ العدالة عندك مشوّه جدا خممت في تحقيق عدالة لافريقي من غير اوراق ينجم يكون باهي و ينجم يكون مجرم ... آما حسّ العدالة المشوّه متاعك ما خلاكش تخمم في تحقيق عدالة لتونسي كيفك كيفو في هالبلاد و حرمتو و كرامتو و حقو في بلادو أصبحو مهددين ... و لو اليوم بالكلام فقط ... غدوة بش يولي بالفعل مشكلتكم في الكيل بمكيالين و عمرها قضية الأفارقة ماكانت تعنيلكم حاجة ... فقط هي قشّة أخرى تتيح لكم لعب دور "بونصيحة" مع هاك الزميل في العمل الي تكرهو و قدام عروفاتك مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات