♬ إنتَ فييين ♪♪ و العرض فييين ♫♫ تيررررا - موضوع جديد في المنتدى الذي تتابعه

منتديات تونيزيـا سات توفيق77 قام بنشر موضوع جديد في القسم الذي أنت تتابعه في منتديات تونيزيـا سات. ♬ إنتَ فييين ♪♪ و العرض فييين ♫♫ تيررررا أيا سلام عليكم دنيا مدعوكة و برشة خنن و برشة تفليم و ملاحم بطولية افتراضية ... و الكل يتغنى بالوطنية ... شوليقة رديناها الي يجي يلبس لين تقطّعت و تهلهلت ... و ما تفهم شي في خضمّ هذا الكلّ بش نعمل نص دورة و نبدّل الاتجاه و اليوم نحبّ نحكي في حكاية ربّما يظهر للبعض أنها تافهة أو موش وقتها أو غيرها من "تعلات التتفيه" المعتادة جون ميشال جار موسيقي فرنسي مولود عام 1948 و حسب ما أعلم سمّاوه أب الموسيقى الالكترونية و من أهم أعماله أكسيجان المعروفة ... و صعيب جيل توا يعرفوه ... انما جيل السبعينات و الثمانينات كبرنا على موسيقاه الي كانت تجي في جينيريك النشرة الجوية بعد أخبار 8 خونا جون ميشال جار عمل عروض عالمية في عديد البلدان و منها زوز بلدان عربية على حد علمي العرض الأول صار في اهرامات مصر مطلع سنة 2000 و تفرجت في تسجيل لذلك العرض الي كان خرافي ... سنة 2000 ... يعني قبل ب 23 سنة من الآن ... وقتها قلّة قليلة جدا تعرف شنية معناها mp3 :laugh: و سي وخيّنا يجنڨل في تجنڨيل ماسط بقوّة الماتريال و المؤثرات البصرية عام 2006 ... يزيد يعمل عرض في صحراء المغرب ... الدنيا ردّها نهار في قلب الصحراء و احنا في تونس ... جا مرّة مايكل جاكسون عمل عرض عام 1996 ... بطال وقتها مازلت كي خرجت من القراية ... و نفلي مع الڨرد :confused: آما نسمع في الناس تحكي ... و أصلا ما نعرفش قداش أسوام تذاكر الدخول للعرض هاك الوقت ... لأنو ماجاش لتونس و للتوانسة ... بل جا فقط لأجل النخبة الغنية لا أكثر و لا أقلّ الي حبّ يلعبها من الأعيان آنذاك ... رصاتلو مرهون في قرض لحضور العرض ايا سيدي بش ما نطولوش عليكم الهدرة ... هالفنانين بخلاف الموسيقى و الريتم القويّ كانو يعتمدو اضافة الى ذلك على بااااارشة مؤثرات مرئية و بروجكتورات و أضواء شي ساطع و شي لامع و لكن الشي هذا متاخ للجميع فدأبوا على تقوية تلك المؤثرات و استنباط حاجات جديدة تميزهم على غيرهم و كانت منافسة باهية عمك جون ميشال جار مثلا استنبطولو فكرة اللايزر هارب عمل بيها البطيط ... و بدا بالبروجكتورات ... صبح الراجل بطزينة تلافز البلازما يحوّس المزمّرة فيهم تعمل ثروة وحدها مايكل جاكسون استنبطولو صباط سبيسيال في القدم و الا لما كنا شاهدنا هاك الرقصة و الوقوف الخرافي بدرجة مائلة ... و الناس قعدت تهتري بيها لسنوات حتى تم انكشاف سرها ... و كلو في صالح المتفرّج لحدّ هنا الأمور عادية و لاباس و لكن عندي أيامات شفت فيديو على اليوتوب في الأول أثار استغرابي ... و من بعد فضولي و في النهاية استحوذ على الزوز غرامات الي في راسي مستوى آخر للعروض قاعد يصير في أوروبا يعجز اللسان عن وصفه ... راني كل ما نتفرج في فيديو يستعرض هالعروض الجديدة ... و نتفكّر الي في تونس جابولنا فنان عرّى روحو علينا في اطار الفنّ و المؤثرات البصرية و كذا ... نلعن البلاوات الي غشّونا في كل شي و أوهمونا بحسن أذواقهم السيئة تفرّجو بالله و احكمو موش بالضرورة تكون مغروم بالموسيقى الغربية و الالكترونية منها تحديدا ... آما شوف العرض ... شوف عرس تزاوج الأضواء مع الايقاع ... شوف قوة الدقّة و التنظيم ... شوف و قلّي مشاهدة طيبة ميديا مضمنة مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات