البوطحش : من هو؟ و كيفاش يخدموا بيه؟ | البوطحش هو غبي مخالف للقانون يدمروا بيه المريڨل |اخر بوطحش في تونس هو بوطحش التيراميسو - موضوع جديد في المنتدى الذي تتابعه

منتديات تونيزيـا سات نسيب رمزي قام بنشر موضوع جديد في القسم الذي أنت تتابعه في منتديات تونيزيـا سات. البوطحش : من هو؟ و كيفاش يخدموا بيه؟ | البوطحش هو غبي مخالف للقانون يدمروا بيه المريڨل |اخر بوطحش في تونس هو بوطحش التيراميسو البوطحش في الثمانينات كانت عبارة "بوطحش" مشهورة لين اختفت و عندي سنوات ما سمعتهاش البوطحش هو الغبي البكّاي البليد اللي يعجبو تقمص دور الضحية باش يمرروا بيه اجندة معينة; من خلالها ضرب طرف جدي و التقليل من شانه و شيطنته، و يتسبب في اضرار و ارباك لزملائه في البروفايل متاعو يلزم اول حاجة يكون : * غبي او مصطك و سهل خداعه * بكّاي : معناها يحب المظلومية و تقمص دور الضحية * بليد : لا يلتزم لا بالقانون، لا بالاخلاق، لا بالعرف و العادة الطرف الذي تتم شيطنته بعد "خدمة البوطحش" و البوطحش المذنب هو خاطيه 2. امثلة من البوطحش: وقت كنا اطفال، عانينا ياسر من البوطحش، لان البوطحش مصدر مشاكل * في القسم يسيب مثلا نحلة او حشرة او يسحق ورقة شجرة تعمل ريحة خايبة، هو تلميذ مشاغب يتعاقب على اثرها قسم كامل و يسبب المتاعب و يورط غيرو في الحكاية و بعد يجيب امو، و على اساس مظلوم و ولدي خاطيه و من غاديكة يخرجوا كون المعلمة خايبة و شريرة و هي المريڨلة احنا التلامذة في جرة البوطحش ترجع المعلمة ماقتة بينا * في الكورة يتعمد تسطيح الكورة اذا فريقه منهزم في دار الجار الباحث عن الهدوء لانهاء المقابلة ما يعرفش يكور، و نغار و يتعمد يشد بيديه زعمة زعمة متغشش و يسطحها في دار الجار اللي يبحث عن الهدوء. بعد الجار يصادر الكورة باش المفرخ ما عادش تزعجه. و يتقيد الجار هو الشرير، بينما الجار يوصي العبوا بهدوء بدون فوضى و هو المريڨل. ترصي من اللي الجار يسمح باش نتسغلو الفضاء اللي عندو و قدام دارو، نخسرو فرصة التكوير في الحومة 3. بوطحش التيراميسو: بيع مرطبات فاخرة نسبيا و سريعة التعفن في الشارع هاو ضربوني هاو سبوني هاو فكولي سلعتي يفكولو يعاود يرجع من جديد و يخالف القانون من جديد المريڨل: هو الامن و رجال الشرطة اللي يطبقوا في القانون. لا ما يلزمش تطبق معاه القانون و كيفاش تطبق القانون. مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات