اقتراح لدعم جهود الدولة في توفير العملة الصعبة للخروج من الازمة - موضوع جديد في المنتدى الذي تتابعه

منتديات تونيزيـا سات braveheart95 قام بنشر موضوع جديد في القسم الذي أنت تتابعه في منتديات تونيزيـا سات. اقتراح لدعم جهود الدولة في توفير العملة الصعبة للخروج من الازمة بعد الحملة على الهجرة الغير شرعية و تجاوب السلطة معاها اكتشفت قوة تاثير وسائل التواصل و من ضمنهم المنتدى بالطبيعة، وبحكم الظروف اللي تعيشها البلاد من الجانب المالي قلت لما لا نعمل اقتراح في شكل موضوع لعل و عسى يقراه شخص و يوصلو للسلطة و علاش لا يمكن تكون فكرة باهية في دعم جهود الدولة في مسالة توفير السيولة. الفكرة تتمحور في انو كيفاش نجمو نقنعو التونسيين بالخارج في انهم يدعمو الدولة بجزء من مدخراتهم اللي البرا، هنا باش نلقاو مشكلتين الاول يتمثل في المردودية الاقتصادية بالعربي اذا باش يعطي فلوس شنوا باش يكون ربحو (مسالة السندات مثلا و هذا ما جبدناش المشكلة الدينية الربا...)، و الثاني مسالة الثقة شنوا اللي يضملني اللي الفلوس باش ترجع اذا عطيتهم للدولة. هنا احسن حل باش نحلو المشكلتين انو اللي يعطي فلوس ياخذ في مقابلهم شيء عندو قيمة ملموسة، معناها الحكاية تنجم تكون في شكل عملية شراء و بحكم انو دولتنا تملك اراضي شاسعة لما لا الدولة تحاول تبيع اراضي على الشريط الساحلي (حاجة مغرية) للتونسيين بالخارج يعني الدفع لازم يكون في العملة الصعبة باسعار مغرية حتى يتشجعو باش يستثمرو و زيد باش المسالة تم بسرعة (الحاجة المغرية تتباع فيسع) بالطبيعة خطوة كيف هذي لازمها برشا خدمة منها تهياة الاراضي و تقسيمها... حاولت نعمل محاكاة للعملية فرضا الدولة تحب تلم 2 مليار اورو، اذا حسبنا المتر المربع على 20 اورو (نتصور سعر مغري) لازم الدولة تبيع 100 كلم مربع (مساحة كبيرة صحيح، لكن الدولة عندها ارض بزايد)، فرضا كل شخص باش يشري 300 ميترو يعني لازم يستثمر 6000 اورو (في تصوري مبلغ مقدور عليه واحد ينجم ياخذ قرض بسهولة عليه)، في الحالة هذي لازمنا تقريبا 333 الف شخص يستثمر، عدد التونسيين بالخارج فوق الزوز ملاين نتصور بالاسعار هذي قادرين نقنعو 300 الف باش يستثمرو. المسالة الوحيدة اللي ما نجمتش نقدرها هو قداش الحكاية ممكن تاخذ وقت (بحكم ما شاء الله عنا اقوى ادارة في العالم)، حبيت نعرف رايكم في الموضوع و اذا فما اضافات او حاجات كان تصوري فيهم غالط، نستنى ردودكم مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات