كيفاه تدخل البورصة او حتى مدخل صغير | تقعد حتى20 سنة السهم يطيح لنفس المستوى | الاستثمار في البورصة ما يخلّصش ، لكن باهية للتكوير |CAC40 stagne - موضوع جديد في المنتدى الذي تتابعه

منتديات تونيزيـا سات نسيب رمزي قام بنشر موضوع جديد في القسم الذي أنت تتابعه في منتديات تونيزيـا سات. كيفاه تدخل البورصة او حتى مدخل صغير | تقعد حتى20 سنة السهم يطيح لنفس المستوى | الاستثمار في البورصة ما يخلّصش ، لكن باهية للتكوير |CAC40 stagne اشكون منا ما يحلمش بخدمة كيما هذه؟ برشة شاشات و bureau مضخم و تداول. الساعة حتى نعرفوهم اشكون الجماعة هاذوكة: الجماعة هاذوكة ما يخدموش في رزقهم، يخدموا عادة تابعين صناديق تحوط و الاكثر تابعين صانع السوق شخصيا. مشاهدة المرفق 1882616 fig.1 حلم برشة عباد! تاجر في البورصة 1. الحقيقة الصادمة: الشركات المدرجة في البورصة قيمتها السوقية ياسر منفوخة | يعني قاعد تشري بالغالي في كل الحالات | يعني جيت متأخرّ سي المعلم بزهرك و بزهر الجيل متاعك اتنجم تقرا عشرات او مئات الكتب و تشاهد مئات الدروس، لكن لا يوجد ضمان باش تربح في البورصة. انا شخصيا ما نشريش اسهم كاملة كيما قبل، اما نشري ب 0.01، و ما نشريش الاسهم الغاليين، نشري كان حاجة نقدر عليها، و نشري باش انوّع في الاخطار. لكن لا علينا في الانا. السبب الكبير هو كون الشركات الكل قيمتها مبالغ فيها برشة برشة، مثال شركة Cisco Systems قيمتها السوقية قد تونس كاملة 4 مرات (47 مليار دولار ناتج القومي الخام). مشاهدة المرفق 1882617 fig.2 القيمة السوقية المبالغ فيها جدا لشركة مدرجة في البورصة : علاش الشركات قيمتها مبالغة فيها برشة؟ السبب هو رياضياتي بحت: تمرين factoriser un nombre en nombre premier مستوى 7 اساسي 100 = 50 * 2 = 2 * 2 * 25 = 2 * 5 * 5 * 2 يعني كان سهم يعمل الضعف كل مرة في 3 سنين و الشركة من الثمانينات موجودة كيما مايكروسوف، يرجع عندنا 10^2 = 1024 2 + 2 + 2 + 2 + 2 = 8 2 * 2 * 2 * 2 * 2 = 32 فيما بالك برشة شركات يعملو احيانا X10 او X20 في عام واحد قبل ملخر، سيادتك جيت موخر: صحيح من الجيل الذهبي او التسعينات: اما جيت موخر انا اسف، تاريخ ولادتك ليس هو 1928 1938 1948 1958 1968 باش تخلط على اوقات رائعة جدا في البورصة. ما انجمش نتهمك بالكسل علاش ما اخترعتش انت مايكروسوفت على خاطر من المفروض تكون في السبعينات عمرك اقل شي 25 سنة، اما فاهم كونها تغيض متاع فايسبوك من عام 1984 ما نفذتش الفكرة متاعو عام 2004 اذا انتي من مواليد السبعينات او الثمانينات. ما احنا كبرنا و كذا، لقينا البورصة شاعلة نار برشة و اغلب شركاتها مبالغ ياسر في قيمتها. 2. علوم البورصة الكل اللي يقريوا فيها ماعادش ملائمة لوقتنا الحالي | ما يعطيوش الصحيح، يقولك اشري سهم و السلام طبعا سي Warren Buffet اللي قاريلو طبعا الحشويات متاعو الكل؛ يقولك شد قيّم الشركة business valuation و اذا انا نستهلك في ماكدونالد نمشي نشري سهم ماكدونالد، باللي باش تقيّم الشركة (اللي هي مجرد وكالة عقارية متنكرة في شكل سلسلة مطاعم). تحب الصحيح 10 دولارات و ياسر فيه سهم ماكدونالد اللي طالع ل 265 دولار. يلزم تكون "مازماز" و تبخس الناس اشيائهم في البورصة وقت يكون الواحد طالب او متخرج جديد و مازال كيف بدا يخدم، او عازب، او عندو برشة مداخيل؛ يقولك بره انجرب في البورصة و يشري بالغالي. 5% من سعر السهم الحالي هو سعر مناسب جدا. هكة كيفاش انخمم. مشاهدة المرفق 1882639 خونا وليد، يقولو ماكدونالد باهية و كذا و يسمع الامريكان يشروا في ماكدونالد؛ يمشي يشري عدة اسهم. ما يشوفش الصورة الكبرى وقت اللي هو شاري من القمة وقت يشوف العباد اللي واخذة السهم 30 سنة قبل و يكتفي بالشارت متاع السنة مثلا و يقولك هاو راكح في 260 270 يعني السوم باهي و مريڨل.. تجي تحسبلو مثال RSI على شمعات الشهرية، تلقاه overbought, معناها راهي الحكاية موش مضمونة و من المفروض باش يطيح ياسر السهم هذا. اللي يصير، هو يجي نهار و تصير ازمة و الحوت الكبير يقرر باش يبيع و يعمل تصريف، و يطيح السهم عادي جدا حتى ل 50 دولار: بالطبيعة خونا اللي باش يستثمر باش ياكل كبّوط و بعد يقولك البورصة قمار و ينشرها لاصحابه البورصة قمار: طبعا اذا داخلها بالتحليل الفني و التحليل الاساسي سوف تكون قمارا. . 3 . مثال لسهم نال حظه و لم يعد مغريا مثل عديد الاسهم| سهم BNP عندو 15 سنة فشل باش يعاود يوصل للقمة، و برشة حاصلين فيه وقت تشوف الشارت التاريخي لسهم BNP نلاحظ كون السهم عام 97 كان في 30 اورو (بالرغم اليورو مازال ما بداش وقتها)، و كون عام 2022 يعاود يطيح لاقل من 30 يورو: تعرف اش معناها، مستحفظ على فلوس 25 سنة، الفلوس قاعدة هي هي، شي يجلط، عل الاقل كان خذاهم لحم و شواهم خير، لانه عام 97 كيلو هبرة ب 7 دينارات، توا كيلو هبرة ب 35 دينار. بالتضخم الشي ما يقابلش بعضو اصلا. هذا مثال لشركة تاعبة في CAC40. 4.البورصة المملة و الراكدة : الاستثمار فيها غباء و عادي تقعد 20 سنة التضخم زاد 50% و هي نفس المستوى: CAC40 باحتساب التضخم، الاستثمار في البورصة هو اهدار للاموال من عام 2000 او 2002 التضخم في فرنسا يعادل 70% يعني المصيبة لا يزي CAC40 ما عملش +70% في 20 سنة، يزيد يقعد في نفس المستوى او يطيح؛ هذاكة علاش الاستثمار في البورصة الفرنسية يعتبر سلوكا غبيا، و هذاكة علاش الفرنسيس ما عادش يشروا اسهم فرنسية، لانهم شلقوا بالطرح. تقولي اقتصاد قوي و كذا: موش كافي: البورصة الفرنسية و الالمانية و الايطالية و البلجيكية و الهولندية و البريطانية و الاسبانية الكل يعانيو من حكاية عدم التعافي من الدوت كوم ليوم الناس هذا و عدم التعافي من ازمة 2008. مواطنيهم فدوا برشة من الركود متاع البورصة متاعهم كونها ما عادش تخلّص كيما قبل. 5. عندما ينهار السعر و لا يرجع بتاتا: تقعد 10 او 20 سنة مستثمر بالخسارة في سهم كانت قيمته مبالغة ياسر: سهم اورنج كنموذج لشركات الاتصال في الدوتكوم يا رسول الله صلى الله عليه و سلم ، سعر الافتتاح عام 97 ب 25 و ليوم الناس هذا لنجحوا باش يرجعوا لسعر الافتتاح بعد اكثر من 25 سنة. مثال كان صبيت فيها 1000 شوف قداش يلزمك تشري من القاع باش تعدل السوم و اتنجم تخرج من البورصة موش خاسر. الاستثمار في البورصة ما عادش لاموضة 6. البورصة ميدان باش تكوّر فيه، موش باش تستثمر فيه: الدخول للبورصة ساهل: نسخة من جواز سفر و كذا، و تعمل حساب و تدخل تستثمر، لكن الخروج منها صعيب وقت تحصل في سهم تحبّله 10 سنين اخرى باش تبيعه او ما يطلعش جملة . بالنسبة للعباد اللي تركّز مليح و متابعة لمنشوراتي، تلاحظ كوني استعملت برشة عبارة "نلعب" و "اللعب" و "اللعبة" في ميدان الكريبتو. بالنسبة لميدان البورصة، ماهياش "لعبة" بالاساس، اما "تكوير"، عمري ما قلت الاستثمار في الاسهم و الاستثمار في البورصة، لانه الوقت و عصرنا ماهواش عصر استثمار في البورصة. علاش الكورة؟ لان الكورة رياضة، رياضة فيها فلوس، لانها علم انساني و علم صحيح، لان فيها حظوظ، لان فيها متعة لمن يتقنها و يمارسها. لان الكورة يلزمها الصبر تقعد تصبر 4 سنين لكاس العالم باش تلعب في كاس العالم:يلزمها 10 سنين صبر باش ملاعبي عمرو 8 سنين يوصل 18 سنة و يلعب مع الاكابر في المنتخب. الدخول للبورصة للي يحب يستثمر، يلزمه يستنى الازمات الاقتصادية و انهيار البورصة: يعني مثلا عام 1998 يحب يدخل لكن لقى الاسعار غالية يلزمو يستنى عام 2002 او 4 سنوات باش يدخل، او ترصيلو اذا ضيّع فرصة 2002 يقعد يستنى الازمة الاقتصادية متاع 2008 باش ينجّم يدخل، يعني يقعد يستنى 10 سنوات صاحبي. اما يشري كيما جاء، راهو باش يحصل كيف الضبع و ما ينجمش يخرج من مصيدة البورصة. الصورة الاتية مشهورة برشة و هي تفسر اطوار السوق من ناحية نفسية المستثمر الصورة اللي بعدها تفسر اطوار السوق من ناحية سلوك الحيتان في التطبيق نهار 7 فيفري 2023 الواحد يمشي يشري سهم، قال اشنوة باش نستثمر في البورصة راهو غباء منقطع النظير بالنسبة ليا. يلزم يصبر اشهر و سنوات للدخول في احسن وقت. المشكل يتم نشر الاخبار الطيبة من قبل صانع السوق و الايهام كون السوق سوف يواصل الصعود، و اذا به السوق ينهار. صحيح فمة اشكون يخدم بالفيتوتشر و يربح (70% يخسروا فلوسهم في الفيوتشر) من اجل المراهنة على السوق الهابط. و بما انه نحن مسلمون (اغلبنا)، نكتفي بشراء سهم و لا نحمي انفسنا من هبوطه. 7 كيفاش نكور بالاسهم: مانيش مستثمر و لا أؤمن بالاستثمار في البورصة نكور اساسا باسهم امريكية نظرا لان التذبذب قوي و انا حاجتي بالتذبذب و عندي خلطة متاع اسهم متعددة منخفضة القيمة (ما يقربوش لبعضهم ياسر و لو انه ديما فمة corrélation entre tous les instruments fiannciers)، الاكسبرت يقوم يشري و يبيع عكس المؤشرات لانو نحب نزيد في الهامش كونو باش يغلط، اكيد واحد فيهم باش يخربقها نهارتها بالتذبذب اذا موش الكل، يكفي سهم عمل تذبذب متاع 1% صعودا حادا او نزولا حادا ، ماركيت نهاري. حاجتي بيهم يمرجنولي الحساب التجريبي اللي عاملو، باش الحساب الحقيقي اللي عاملو من غاديكة ينفجر او يتضاعف. طبعا البروكر يلزم يكون ثيقة و الحساب التجريبي يلزم يعطي نفس النتيجة متاع الحساب الحقيقي بدون مجاملات. ساعات الامور ما تمشيش و اذا تحرق الحساب، ما فيش مشكلة، جرد 200 دولار و الاسهم ب 0.01 في جرد micro-account. مانيش داخل ب 25 الف دولار كيما خونا : كل شي جرد 1000 دولار (ما يجيبوش برويطة اينوكس باش تبيع فيها كسكروت عياري مذخم). طبعا اللي قلتو هرطقة بالتحليل الاساسي و التحليل الفني و اصول money management اللي يقريوا فيها، و باللي صانع السوق باش يعرقلني، ما ينجمش يشدني على خاطر عبارة سارق داهن روحو بالزبدة ، انما على خاطر بالنبسة ليه شبح، و شبح يكور بوحدو موش مع القطيع: كان برطاجى مع القطيع نقاط الدخول و الخروج، يتڨنص و تولي نقاط دخول و خروج معروفة، و هاذيكة بدايه النهاية.. طبعا سعيد جدا بالتخربيقات متاع ايلون ماسك لان سهم Tesla دوما مڨربعها بالتذبذب. الاتجاه ما يهمنيش: يطلع السوق، يهبط السوق: السيستام عبارة صنارة كل مرة نخسر شوية طعم، لين يصطادلي حوتة كبيرة تعوض الطعم المستهلك الكل. الاستثمار و تشجيع الوظائف و توفير المال للشركات للنمو: كنت ساذجا في الماضي، توا ما عادش. يا نماركيلهم، يا يماركولي. تبكي امهاتهم و ما تبكيش امهاتنا. 8. طريقة DCA Dollar Cost Averaging : جربتها صحيح تعدل بيها، لكن ما تربحش بيها ياسر : ابعد عن كل ما هو overpriced صديقنا في امريكا، عجبني التدخل متاعو كمتسثمر في البورصة باستراتيجية DCA. المشكل متاعها: * السوق يطيح و انت تشري: طب ليه ما تنتظر القاع النهائي في مرة يا باشا * السوق يطلع و انت تشتري: طب ليه التبذير، تشتري بسعر اغلى من المرة الفايتة DCA هي نوع من grid trading و تنجح في اوقات وقت مثلا Nasdaq شادد courbe exponentielle : لكن كل ما هو grid trading تحبلو ديما الصبان و الالتزام بالصبان باش يكون رابح، لكن يوجد طرق اذكى برشة للاستثمار. وقت انا نشوف courbe exponentielle كيما هذه و نشوف اللي الاسهم اللي ماخوهم قراب برشة من ATH ، نخيّروقتها المتابعة و الصبر و انتظار الاسبوع او الشهر الحاسم للدخول. المتابعة ساهلة برشة، في التلفزة، برشة قنوات تعطيك المؤشر قداش فيه و قداش وصل. 9. الخلاصة: البورصة الاروبية موش متحركة و مملة و تاعبة، ليس الامر مثل البورصة الامريكية حاليا. لكن البورصة الامريكية تخوف فيها حكاية courbe exponentielle و اللي تنجم تطيح ياسر ياسر. الاستثمار اكثر حضارية و اكثر وطنية و اكثر احترافية، لكن "اسلوب التكوير" ناجع جدا و ان كان سلوكا خبيثا و ضاربا عرض الحائط باساليب التداول الرسمية. مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات