جمعيات و منظمات العناية بالبيئة - موضوع جديد في المنتدى الذي تتابعه

منتديات تونيزيـا سات أحمد عبد الرزاق قام بنشر موضوع جديد في القسم الذي أنت تتابعه في منتديات تونيزيـا سات. جمعيات و منظمات العناية بالبيئة السلام عليكم و رحمة الله و بركاته شباب تونيزيا سات اليوم حبيت نسألكم على موضوع غريب شوية ما حبش مخي يقبلو وهو موضوع الجمعيات لي قاعدين نشوفوها تنشط في الفايسبوك و بقية منصات التواصل الرقمي. هالمؤسسات أكيد تقوم بعمل جميل و ربي يباركلهم و يعينهم و ما قلنا شي. يوصل الموضوع أنه في فترة كيما هاذي كساد متوقع و موديز تصنفنا في آخر الرتب و بلاد على حافة الإفلاس و نلقاو تونس تبارك الله فيها مؤسسات غير ربحية تزرع في الأشجار و توفر في أعداد محترمة زادة متع أشجار فبحيث في بوست واحد عالفايسبوك يتم تصوير عملية زرع 4000+ شجرة. سؤالي هنا و موضوعنا لي نحب نتناقشو فيه ، ومانيش باش نسمي بالأسامي ، منين الفلوس هاذي سامحوني؟ و كيفاش المنظمات هاذي عندها الحق تستعمل أراضي الدولة هكاكا في النشاطات متاعهم؟ هل يسمح القانون بذلك؟ و زعمة ما وراهاش إن و أخواتها العملية؟ سبق و سمعت لي بعض المؤسسات لي تدعي إنها تجري وراء حماية البيئة أو عالأقل تقليل الضرر على البيئة يقوموا بجمع أموال عبارة عن frais تدفعوا Tax أو تكون مخير تدفعوا وتاخذ نوع متاع تيكيات متاع سفر بالطيارة أو غيرو بحيث يكون التأثير على الكوكب أقل ضرر والتاكس هذا يتم دفعوا أونلاين ومعروف بإسم CO2 Emission fees بحيث الفلوس هاذي يتم إستعمالها و دفعها للفلاحين باش يزرعوا نوع معين من الأشجار و هكا الضرر يقل وقت اللي الشجرات تكبر فيسع (نوع معين من الشجر يكبر فيسع و يمتص أكثر CO2) وتقوم هذه الأخيرة بدورها الفعال باش سيادة الأغنياء يقللوا من الإحساس بالذنب و يكملوا رحلة الثراء الفاحش متاعهم ويزيدوا يدمروا الأرض و يزيدو يكريو فلاحين إلخ إلخ. زعما يكونش السيناريو هو إنو الجمعيات هاذي يتم تمويلهم من خلال هالأموال هاذي؟ بأي حق كان التمويل من المؤسسات هاذي يتم إستعمال أراضي الدولة والأراضي لي تتبع وزارة الفلاحة و الغابات؟ للنقاش... مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات