هل يكمن الحلّ في أراضي الدولة ؟ - موضوع جديد في المنتدى الذي تتابعه

منتديات تونيزيـا سات توفيق77 قام بنشر موضوع جديد في القسم الذي أنت تتابعه في منتديات تونيزيـا سات. هل يكمن الحلّ في أراضي الدولة ؟ ردّا على عضو في موضوع اخباري حول نشاط الاتحاد العام التونسي للشغل ... كان هذا التعليق الذي أظن أنه يمكن أن يحظى بمرتبة موضوع للنقاش رايكم و مقترحاتكم ... الصعوبات أو التداعيات ... امكانية التفكير في ذلك من عدمها ؟ متابعة طيبة حتى و ان كان "دفاعك و توضيحك" لدور الاتحاد مفهوم الا أنو يندرج أيضا ضمن التسويق الاعلامي المغلوط الاتحاد لقى هدنة زمنية تمتدّ لعقود بش زرع ما تيسّر له من "مسامير جحا" و عديد المشاكل المهنية في كل القطاعات حتى يتمكن من التحكّم في رقاب عمال تلك القطاعات باسم الدفاع عن حقوقها ... وينها الدولة آنذاك ؟ حاليلها الطرح و تقاسم ما تجود به لحي الدغف من العمال ... اليوم ... هي نفس الدولة و لكن بعناصر جديدة ... ما عندهم حتى دخل و حتى ذنب في ما صار قبل من تلاعب بحقوق العمال ... و لكنهم مطالبين رغم ذلك بايجاد حلول ... حلول لمشاكل زرعها الاتحاد نفسه و كبّرها و سقاها و اليوم ... ذاك الاتحاد نفسه يدافع عن محصوله و يزعم حمايته و يزعم أنو الحل في حين هو الجزء الأكبر من المشكل معلوم للجميع أن الدولة ماديا ضعيفة و كل فرنك بحسابو ... و باقيها الدولة تعطي كل قطاع متاعو حسب مجلّة الشغل و الزايد لا و ينتهي كل هذا الجدل ... وقتها الاتحاد عبارة حنش و نحيتلو أنيابو و ما عليه الا انتظار الموت في تركينة الطريف في الأمر أني سمعت مؤخرا كونو بودن قاعدة تحاول النفخ في جثة "اتحاد عمال تونس" و السحباني , و اليوم ظهرلها كونو التعددية النقابية راهي باهية بش ما يتغول حد على آخر قلت لمحدثي حكاية فارغة الي تحكي فيها و اذا بودن عملت هكا فلا فائدة ترجى من فعلها ... بش نتخلّص من غول نعشعش غول آخر ؟؟؟ دائما ما سيكون هناك من سيلعب دور الاتحاد حتى و ان اختلفت التسمية ... لأن الدولة ليست عادلة بل متحيلة و بحاجة الى أنها تعضّ العمال و شكون يغطي عليها و يركحلها الجو مع العمال و يتحكم فيهم ... قيس سعيد كان في التعليم ... و يعرف و عايش جميع المطالب المهنية لذلك القطاع ... و لكنه لم يفعل شيئا بذلك الصدد ... ليس عن قلة دراية بالمشاكل بل لأنها مشاكل قد شعر الراس لا يمكن حلها في ليلة و نهار الا اذا كانت عندك ثروات هائلة ... كما أنو وقتها مطالب بتسوية وضعية بقية القطاعات حتى لا يُتهم بتفضيل قطاع عن آخر من الآخر ... شكشوكة و عرف الاتحاد يستغلها أبشع استغلال و ها هو اليوم يظهر بمظهر المنقذ و المدافع عن الشغالين في حين هو سبب كل مصائبهم و ما زال بش يحل فيهم مصائب و مصائب عندي فكرة مجنونة نوعا ما و لكنها لا تزيد جنونا عن وضعنا المعيشي اليوم ... و تنجّم تمثّل حل للدولة بش تعطي للناس متاعها و تخصي الاتحاد نهائيا أغلب عمال القطاعات عندهم حقوق لدى الدولة , و الدولة عاجزة اليوم أنها تعطيهم مستحقاتهم , و الاتحاد يعرف عجز الدولة و لذلك يتمادى في حكّان الدبرة بدون ما تنجّم الدولة توقفو عند حدّو الدولة ما عندهاش ثروات مادية تخلّص بيها العمال و بالتالي تنهي سطوة الاتحاد ... و لكنها قادرة تخلّص العمال بطريقة أخرى أراضي الدولة كدولة آش تعمل بالأراضي البور لا استنفعت بيهم و لا نفّعت شعبك ؟ أكثر من 75 بالمائة من الطبقة العاملة في تونس اما عايشة في الكراء اما في الديون و الرهنيات للعنكوش ... قسّملهم و اعطيهم نوامر و تخلّص من ديونهم الي عاملها الاتحاد سلاح و أنياب يعضّ بيها و فرهد شعبك و تفرهد انت كدولة خلّي الناس تعمّر الأرض و تحسّ الي فما عدالة و تحسّ كونها في بلاد حكامها يخممو فيهم في النهاية أراضي الدولة ما عندها وين مشات ... مشات لمواطني الدولة ... قسّم نوامر و على كل 100 نومرو اعطي 10 للزواولة ... ما تجيش ؟؟ مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات