أخي قيس سعيد - موضوع جديد في المنتدى الذي تتابعه

منتديات تونيزيـا سات El houssi قام بنشر موضوع جديد في القسم الذي أنت تتابعه في منتديات تونيزيـا سات. أخي قيس سعيد يا أخي قيس سعيد ، ريت اللي فمّا مشكل و المهاجرين يعملو في مشاكل؟ يا أخي تصرّف بحكمة و بشوية رزانة، خصوصاً و أنّو عندك سلطات فرعونية و كلّ شي في يديك. يا أخي، لمّ الجيش و الداخلية و وزرتك و مجلس الأمن و أعمل إجتماعاتك و تناقشو بستر الله. يا اخي، كي دڨك ربّي و لمّيت الدايرة و السكامبا، و كان لازم تكتب على الفايسبوك تعلمنا، إكتب بطريقة محترمة، مفهومة و من غير الإنخراط في حملة شعبوية قذرة، تجيب العار و بمنطق، إركب لا تمنّك. تلّم وزرة و تحكي معاهم تقول، مواطن يحكي في قهوة اللصّ؟ يا أخي، مهاجر غير شرعي، مهاجر شرعي و إلا مواطن تونسي و أجرم، طبّق عليه القانون. اللي صاير راهو حملة ترهيب. راهو مهاجرين، طلبة و خبراء و أساتذة و عملة و غيرو صارو خايفين و يتعرّضو يومياً للهرسلة. راهو الدولة من المفروض تحميهم، موش تتّبنى خطاب متاع كراهية، شعبوية و إستعلاء و اللي ينّجم يعمل كارثة. شعبنا السمح، أخلاقو معروفة من البارح، موش من اليوم. هو في روحو عنصري و مقيت، إلا من رحم ربّي. المشكل وقت يوّلي الخطاب الرسمي للدولة، خطاب متاع كراهية و خطاب شعبوي. برّى يا أخي ألغي إتفاقيات إعفاءات التاشيرة تراه. طرّد الطلبة و كون على إستعداد باش يعاملوك بالمثل و توانسة يرّوحولك من دولهم و يصبح بطّالة و أرزينا في طرف الدوفيز. شوف حدودك و سكرّها. قاوم الناس و عصابات التوانسة، اللي يسافرو لبلدان ما تحت الصحراء يجيبو في الخلق بعقود شغل وهمية و بضمانات وهمية. هوما يوصلو هنا و باسبوراتهم تتفكّ و يخدمو في ظروف تعيسة عند العايلات و شوانط المرّمة و السواني. الهجرة أقدم فينومان على ها الأرض، ناس تحلّل و تكتب و تبحث و تستشرف و دول عملت منها إقتصادات و تاريخ و ثراء ثقافي و مجتمعي لشعوبها و غيرو، و السيّد يبني في سياساتو من الفايسبوك و أركب عالموجة و حرّض ضدّهم، باش يرضى القطيع و ينسى الفشل و العجز متاع سيادتو و دولتو. مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات