علاش ردة فعل التونسي عادية و مش عنصرية.. اهبط من برجك العاجي و ايجا بحذانا - موضوع جديد في المنتدى الذي تتابعه

منتديات تونيزيـا سات aym21 قام بنشر موضوع جديد في القسم الذي أنت تتابعه في منتديات تونيزيـا سات. علاش ردة فعل التونسي عادية و مش عنصرية.. اهبط من برجك العاجي و ايجا بحذانا موضوع الافارقة عندنا سنين نحكيو فيه و لحسن الحظ التوانسة فاقو بكري نسبيا الموضوع كيما توقعنا استفادت منو الطبقة الغنية: الخدامة ولاو متوفرين بشطر الحق و لا social security لا impôts لا والو، الخلاص كاش و تنجم تاكل الخدام في فلوسو عادي، لهنا اي مواطن عادي ينجم يهبط للنصر و يشوف les serveurs و الا المطاعم شكون يخدم فيهم، يعني تصور قهوة تعمل في chiffres d'affaires متاع شركات متوسطة الحجم مستخسرة شهرية عادية في مواطن تونسي و تحب تقرقش 300 دينار كل شهر ثاني حاجة فما سوق استهلاكية جديدة تحلت، و خاصة في كرا العقارات حتى ستوديو في حومة شعبية ولا عندو الcustomer متاعو الي مستعد يخلص دوبل الحق في بعض الحالات ثالث حاجة بالنسبة للراديوات و التلافز لقاو موضوع جديد ينجمو يقرقشو منو شوية فلوس، كيف كيف الرابورات و الفنانين بودورو و المخرجين متاع المسلسلات، و ما ننساوش السياسيين الي مش بعيد يوليو يفرقو الجنسية باش يدبرو ناخبين جدد نجيو للمتضررين الي يمثلو اغلب الشعب، تونس نقلها العمومي من اخيب ما تشوف في العالم، الافريقي اصبح يزاحم في التونسي في النقل هذا، الصحة العمومية كيف كيف، التعليم ما قال حد لحد و لو انو المشكلة مزالت مؤجلة للعامين- ثلاثة الجايين، يعني الولي يلزم يتوقع اقسام معبية اكثر و نيفو طايح اكثر ببرشا من قبل … من غير ما نحكيو عالمزاحمة في المواد الاساسية المدعمة الي من عند ربي مش متوفرة، و لهنا المهاجر الي يخدم في الاكحل يستفاد من مواد مدعمة مش ياعد يساهم في حقها، هذا الكل اخطا المنافسة في سوق الشغل الي تعاني من 15% بطالة لهنا نفهمو الي المواطن العادي عندو 1000 حق يحتج عالوجود الافريقي في تونس، و اي واحد باش يقول انو مع الوجود هذا اعرف انو مش متضرر مالظاهرة هاذي هذا كان مش مستفيد شخصيا، كي تقرا التعليقات متاع الافارقة الي في بلادهم بيدهم تلقاهم ضد تصرفات مواطنيهم، يعني علاش تسيب بلادك الي ما تبعدش برشا على تونس و تجي لبلاد تعاني اقتصاديا و شعبها هارب منها و تزيد تزاحم الي قعدو في الميزيريا، يعني خونا الافريقي لهنا هو الظالم و هو الي يلزمو يلقا حل في بلاد مستحقة لمهاجرين و الا في بلادو الي حال تونس ما يبعدش عليها خاصة كي نحكيو على مهاجرين جايين مالكوتديفوار مثلا الي اقتصادها ما يبعدش على تونس مشاهدة هذا الموضوع منتديات تتابعها الرجاء عدم الرد على هذه الرسالة. يجب عليك زيارة المنتدى للرد. تم إرسال هذه الرسالة لك لأنك اخترت متابعة القسم "المنتدى العام" في منتديات تونيزيـا سات مع إشعار بالبريد الإلكتروني عند وجود مواضيع أو مشاركات جديدة. لن تتلقى أي رسائل أخرى حول هذا الموضوع حتى تقوم بقراءة الرسائل الجديدة. إذا كنت لا ترغب في تلقي المزيد من هذه الرسائل، يمكنك تعطيل الرسائل من هذا القسم أو تعطيل كافة الرسائل. قم بزيارة منتديات تونيزيـا سات